Milli Televiziya və Radio Şurasının növbəti iclası keçirilmişdir.

İclasda "Lider", "Antenn", "106 FM" və "Burc FM" radiolarının monitorinqlərinin nəticələri müzakirə olunmuşdur. "Televiziya və radio yayımı haqqında" Azərbaycan Respublikası Qanununda reklama qoyulan tələblərin bir sıra hallarda pozulması faktları "Lider", "Antenn", "106 FM" və "Burc FM" radio yayımçılarının nəzərinə çatdırılmış, radio yayımçılarına milli-mənəvi dəyərlərin qorunması üçün səylərin artırılması, aparıcıların bayağı, şit hərəkətlər etməsi hallarının aradan qaldırılması tövsiyə edilmişdir.

Şura iclasında, həmçinin, "N.C.S" MMC-nin təsisçisinin dəyişilməsi ilə bağlı müraciətinə baxılmış və "N.C.S" kabel televiziyasının təsisçiliyinin dəyişilməsi barədə qərar qəbul edilmişdir.