Canlı Dəstək

Salam mən bir veriliş barədə öz şikayətimi bildirmək istəyirəm.Bunu necə edə bilərəm?

Bildirik ki, şikayət ərizəsini elektron və yaxud kağız daşıyıcılarda Milli Televiziya və Radio Şurasına təqdim edə, həmçinin şikayətinizi Milli Televiziya və Radio Şurasının qaynar xəttinə (012-498-18-82) bildirə  bilərsiniz. 

Salam Hormetli bey/xanim, Gence sheher ve etraf rayonlarda reqemsal yayim hansi tezlikde yayimlanir?

Bildiririk ki, DVB-T rəqəmli televiziya yayımı hazırda Gəncədə 57-ci tezlikdə (gücü 1,2 kVt), Daşkəsəndə 58-ci tezlikdə (gücü 0,6 kVt), Poyluda 50-ci tezlikdə (gücü 1,2 kVt), Ağsuda 40-cı tezlikdə (gücü 2,4 kVt) yayımlanır.

Salam.Kabel televiziyası mənim iştirakım olmadan kənar müdaxilə aktı tertib edib və Cəriməni ödəməyimi tələb edir yoxsa məhkəməyə müraciət edeceyini bildirir.Bildirmək istəyiram ki,onlarin avadanlığı açıq şəkildədir və hec cur qorunmur(yəni kim istəsə müdaxilə edə bilər)Nə dərəcədə doğru olduğunu bilmək isterdim yəni onların belə bir hüqüqları varmi?

Bildiririk ki, mövcud qanunverciliyin tələbinə uyğun olaraq kabel şəbəkəsi yayımçıları ilə abonentlər arasında yaranan mübahisələrə məhkəmələr tərəfindən baxılır.

Mən RVMEDİA TELEVİZİYA REKLAM VƏ FİLM XİDMƏTİ SƏNAYE VƏ TİCARƏT A.Ş.\'nin ikinci dərəcəli rəhbəriyəm. Sual: Bizim internet üzərindən yayımlanan radio və TV-miz mövcuddur və peykdə yayımlanan radio və TV-lərdən heç bir fərqi yoxdur fərqi yoxdur biz sizə html kod göndərib lazımı ödənişi etsək bu kanal və radionu peykə çıxara bilərsinizmi?

Bildiririk ki, "Televiziya və radio yayımı haqında" Azərbaycan Respublikası Qanununun 1-ci maddəsinə əsasən teleradio yayımı - elektromaqnit dalğaları ilə açıq və ya kodlaşdırılmış formada, peyk, kabel və ya digər yerüstü texniki qurğular vasitəsi  ilə kütləvi yayımlanan və istənilən sayda teleradio qəbuledicilər tərəfindən qəbul edilən səsli və ya görüntülü teleradio proqramlarının müəyyən məsafəyə ilkin ötürülməsidir. Bu anlayışa həmçinin yayımın kodlaşdırılmış qurğulardan (kartlardan) istifadə etməklə hüquqi və fiziki şəxslər tərəfindən peyk vasitəsilə həyata keçirilməsinin təmin edilməsi və digər yayımçılar tərəfindən retranslyasiya edilən proqramlar da daxildir. 

 "Televiziya və radio yayımı haqında" Azərbaycan Respublikası Qanununun 14.1-ci maddəsinə əsasən Azərbaycan Respublikasının ərazisində teleradio yayımı bu Qanuna uyğun olaraq verilən xüsusi razılıq (lisenziya) əsasında həyata keçirilir.  "Televiziya və radio yayımı haqında" Azərbaycan Respublikası Qanununun 15.1-ci maddəsinə əsasən isə yayım üçün xüsusi razılıq (lisenziya), dövlət və ictimai teleradio yayımı istisna olmaqla, müsabiqə əsasında verilir. Müsabiqənin qayda və şərtləri müsabiqədə iştirak etmək barədə ərizələrin qəbul müddətinin başa çatmasından ən azı bir ay əvvəl rəsmi mətbuat orqanında dərc edilir.

men hal hazirda qezetlerde islemisem ve hazird isleyirem esrin ziyalisi qezetinde bolge muxbiri amma ismayilli rayonunda buna hec bir ehemiyyet vermirler ne edim. ozum qizil qelem lauriyyatiyam

Bildiririk ki, müraciətinizdə qeyd edilən məsələnin həlli Milli Televiziya və Radio Şurasının səlahiyyətləri xaricindədir.

Salam Sayt fealiyyeti gostermek ucun her hangi lisenziya gerekir.

 

Bildiririk ki, lisenziya tələb olunan fəaliyyət növlərinin siyahısı Azərbaycan Respublikası Prezidentinin 2002-ci il, 2 sentyabr tarixli 782 nömrəli Fərmanı ilə təsdiq edilmiş "Azərbaycan Respublikasında bəzi fəaliyyət növlərinə xüsusi razılıq (lisenziya) verilməsi haqqında Qaydalar"la tənzimlənir.

Salam vakansiya uzre hara muraciet edek?

«Dövlət qulluğu haqqında» Azərbaycan Respublikası Qanununun 28.1-ci maddəsinə uyğun olaraq dövlət qulluğuna vətəndaşlar müsabiqə və ya müsahibə əsasında qəbul edilirlər. Həmin Qanunun  28.2-ci maddəsinə əsasən  inzibati vəzifələrin beşinci-yeddincitəsnifatlarına uyğun olan vakant vəzifələr üzrə dövlət qulluğuna qəbul üçün Azərbaycan Respublikasının Prezidenti yanında Dövlət Qulluğu Məsələləri üzrə Komissiya müsabiqə elan edir.  Qeyd olunanları nəzərə alaraq bildiririk ki, dövlət qulluğuna qəbulla əlaqədar Azərbaycan Respublikasının Prezidenti yanında Dövlət Qulluğu Məsələləri üzrə Komissiyaya müraciət etməlisiniz. 

Salam cenab ! Biz Azerbaycanda Zefer tv -adli Televizya sirketi yarataq isteyirik Hara muraciyyet etmeliyik maddi deteyimiz yoxdur Lerikde fealyyet gostern hec bir tele kanal movcud deyil Xais edirem sualii cavablayin Biz genlere destek olun

Bildiririk ki, «Televiziya və radio yayımı haqqında» Azərbaycan Respublikası Qanununun 14.1.-ci maddəsinə əsasən Azərbaycan Respublikasının ərazisində teleradio yayımı bu Qanuna uyğun olaraq verilən xüsusi razılıq (lisenziya) əsasında həyata keçirilir. Həmin Qanunun 15.1-ci maddəsinə əsaən yayım üçün xüsusi razılıq (lisenziya), dövlət və ictimai teleradio yayımı istisna olmaqla, müsabiqə əsasında verilir. Həmin Qanunun 15.2-ci maddəsinə əsasən  müsabiqənin qayda və şərtləri müsabiqədə iştirak etmək barədə ərizələrin qəbul müddətinin başa çatmasından ən azı bir ay əvvəl rəsmi mətbuat orqanında dərc edilir.

Milli Televiziya və Radio Şurası tərəfindən zəruri hesab olunan ərazidə televiziya yayımı üçün xüsusi razılıq (lisenziya) alınmasına dair müsabiqə elan edildiyi təqdirdə müsabiqədə iştirak üçün tələb olunan sənədləri təqdim edərək  müsabiqədə iştirak edə bilərsiniz. 

Yuxarı ^