Canlı Dəstək

salam TRT1 kanalinin yerustu reqamsal yayimi ne vaxt perpa edilecek deqiq vax deyerdiz zehmet olmazsa

TRT1 telekanalının rəqəmli televiziya yayımı Rabitə və Yüksək Texnologiyalar Nazirliyinin Radio-Televiziya Yayımı və Peyk Rabitəsi İstehsalat Birliyi ilə müqavilə bağlanıldıqdan sonra həyata keçirilə bilər. 

Salam trt1 yerustu reqamsal yayimi ne vaxtperpa olunacaq? deqiq vaxt bilinir?xayis edirem etrafli yazin

TRT1 telekanalının rəqəmli televiziya yayımı Rabitə və Yüksək Texnologiyalar Nazirliyinin Radio-Televiziya Yayımı və Peyk Rabitəsi İstehsalat Birliyi ilə müqavilə bağlanıldıqdan sonra həyata keçirilə bilər. 

Salam. Radio kanal açmaq üçün avadanlıqlar alınması və ümumiyyətlə lazımi avadanlıqların nelerden ibaret olduqunu öyrənmək üçün hara müraciət edə bilərik?

Bildiririk ki, «Televiziya və radio yayımı haqqında» Azərbaycan Respublikası Qanununun 14.1.-ci maddəsinə əsasən Azərbaycan Respublikasının ərazisində teleradio yayımı bu Qanuna uyğun olaraq verilən xüsusi razılıq (lisenziya) əsasında həyata keçirilir. Həmin Qanunun 15.1-ci maddəsinə əsaən yayım üçün xüsusi razılıq (lisenziya), dövlət və ictimai teleradio yayımı istisna olmaqla, müsabiqə əsasında verilir. Həmin Qanunun 15.2-ci maddəsinə əsasən  müsabiqənin qayda və şərtləri müsabiqədə iştirak etmək barədə ərizələrin qəbul müddətinin başa çatmasından ən azı bir ay əvvəl rəsmi mətbuat orqanında dərc edilir.

Milli Televiziya və Radio Şurası tərəfindən zəruri hesab olunan ərazidə radio yayımı üçün xüsusi razılıq (lisenziya) alınmasına dair müsabiqə elan edildiyi təqdirdə müsabiqədə iştirak üçün tələb olunan sənədləri təqdim edərək  müsabiqədə iştirak edə bilərsiniz.

Salam. Biz peyk yayımı həyata keçirmək istəyirik. Ancaq filmlər vermək filan kimi şeylər. Bilmək istərdim bunun üçün nələr lazımdır və rüsum nə qədərdir. Bizim imkanlarımız nə olmalıdır? əvvəlcədən təşəkkür edirik

Bildiririk ki, «Televiziya və radio yayımı haqqında» Azərbaycan Respublikası Qanununun 14.1.-ci maddəsinə əsasən Azərbaycan Respublikasının ərazisində teleradio yayımı bu Qanuna uyğun olaraq verilən xüsusi razılıq (lisenziya) əsasında həyata keçirilir. Həmin Qanunun 15.1-ci maddəsinə əsaən yayım üçün xüsusi razılıq (lisenziya), dövlət və ictimai teleradio yayımı istisna olmaqla, müsabiqə əsasında verilir. Həmin Qanunun 15.2-ci maddəsinə əsasən  müsabiqənin qayda və şərtləri müsabiqədə iştirak etmək barədə ərizələrin qəbul müddətinin başa çatmasından ən azı bir ay əvvəl rəsmi mətbuat orqanında dərc edilir. “Lisenziyalar və icazələr haqqında” Azərbaycan Respublikasının 2016-cı il 15 mart tarixli 176-VQ nömrəli Qanununun 2 nömrəli əlavəsinin 5.10-cu bəndində nəzərdə tutulmuş fəaliyyət növü üçün Milli Televiziya və Radio Şurası tərəfindən xüsusi razılıq (lisenziya) alınmasına dair müsabiqə elan edildiyi təqdirdə müsabiqədə iştirak üçün tələb olunan sənədləri təqdim edərək  müsabiqədə iştirak edə bilərsiniz.

 

 

Is axtaruram ali tehsiliyem kompyyter biliylerim var sertifikatimda var.adpu tarixin bitirmisem.22 yas ozumle bagli is isteyirem.ixtisasa uygu

Bildiririk ki, «Dövlət qulluğu haqqında» Azərbaycan Respublikası Qanununun  28.1-ci maddəsinə uyğun olaraq dövlət qulluğuna vətəndaşlar müsabiqə və ya müsahibə əsasında qəbul edilirlər. Həmin Qanunun  28.2-ci maddəsinə əsasən  inzibati vəzifələrin  təsnifatlarına uyğun olan vakant vəzifələr üzrə dövlət qulluğuna qəbul üçün Dövlət İmtahan Mərkəzi müsabiqə elan edir.  Qeyd olunanları nəzərə alaraq bildiririk ki, dövlət qulluğuna qəbulla əlaqədar Dövlət İmtahan Mərkəzinə müraciət etməlisiniz.

Həmçinin bildiririk ki, «Televiziya və radio yayımı haqqında» Azərbaycan Respublikası Qanununun 2-ci maddəsinə əsasən Azərbaycan Respublikasında teleradio yayımında yayımçıların yaradıcılıq və redaksiya fəaliyyəti peşə müstəqilliyi əsasında həyata keçirilir. Bu səbəbdən də Milli Televiziya və Radio Şurasının hər hansı bir şəxsin teleradio yayımçıları tərəfindən işə götürülməsinə göstəriş verməyə, yayımçıların yaradıcılıq və redaksiya fəaliyyətinə müdaxilə etməyə səlahiyyəti çatmır. 

Salam televizya yayimi ucun hara muraciyyet etmek lazimdi birde yayim ucun neqeder vesait odenmelidir licenziya veya oturucu ucun xahis edirem etrafli yazardiz radio yayimla televizya yayimi arasinda ferqide

Bildiririk ki, «Televiziya və radio yayımı haqqında» Azərbaycan Respublikası Qanununun 14.1.-ci maddəsinə əsasən Azərbaycan Respublikasının ərazisində teleradio yayımı bu Qanuna uyğun olaraq verilən xüsusi razılıq (lisenziya) əsasında həyata keçirilir. Həmin Qanunun 15.1-ci maddəsinə əsaən yayım üçün xüsusi razılıq (lisenziya), dövlət və ictimai teleradio yayımı istisna olmaqla, müsabiqə əsasında verilir. Həmin Qanunun 15.2-ci maddəsinə əsasən  müsabiqənin qayda və şərtləri müsabiqədə iştirak etmək barədə ərizələrin qəbul müddətinin başa çatmasından ən azı bir ay əvvəl rəsmi mətbuat orqanında dərc edilir.

Milli Televiziya və Radio Şurası tərəfindən zəruri hesab olunan ərazidə televiziya yayımı üçün xüsusi razılıq (lisenziya) alınmasına dair müsabiqə elan edildiyi təqdirdə müsabiqədə iştirak üçün tələb olunan sənədləri təqdim edərək  müsabiqədə iştirak edə bilərsiniz.

Müsabiqədə qalib olan iddiaçı tərəfindən dövlət rüsumu "Lisenziyalaşdırma sahəsində bəzi tədbirlər haqqında" Azərbaycan Respublikası Prezidentinin Fərmanına uyğun olaraq ödənilir.

 

Lisenziya tələb olunan fəaliyyət növlərinin (dövlət təhlükəsizliyindən irəli gələn hallar istisna olmaqla) siyahısı və həmin fəaliyyət növlərinə lisenziya verilməsinə görə ödənilən dövlət rüsumunun məbləğləri

 

                                                                             Əlavə № 2

8.

Teleradio yayımı fəaliyyəti:

 

8.1.

ümumrespublika televiziya yayımı

5500

8.2.

Bakı şəhəri üzrə televiziya yayımı

2250

8.3.

regional televiziya yayımı

1500

8.4.

ümumrespublika radio yayımı

2500

8.5.

Bakı şəhəri üzrə radio yayımı

1250

8.6.

regional radio yayımı

500

8.7.

əlavə informasiya yayımı

500

8.8.

abonentlərinin sayı 5000-dək olan kabel şəbəkəsi yayımı

1500

8.9.

abonentlərinin sayı 5000-dən yuxarı olan kabel şəbəkəsi yayımı

2500

8.10.

peyk yayımı

500

8.11.

xarici teleradio kanallarının peyk vasitəsilə teleradio yayımının kodlaşdırılmış qurğularla həyata keçirilməsini təmin edən fəaliyyət

500

 

yeni idman kanalinin acilmasi nezerde tutulur

Bildiririk ki, hazırda  ümumrespublika yayımı üzrə  2 ixtisaslaşdırılmış idaman telekanalı fəaliyyət göstərməkdədir. Milli Televiziya və Radio Şurası tərəfindən yeni idman televiziya kanalının açılması üçün yaxın gələcəkdə müsabiqə elan edilməsi nəzərdə tutulmamışdır. 

salam.niye cbc sport aciq yayimda yayimlanmir.

Bildiririk ki, CBC Sport idman telekanalı yerüstü yayımda yalnız rəqəmli və HD forrmatında həyata keçirilir. Bu səbəbdən də rəqmli formada yayımı dəstəkləyən TV-lərdən, yaxud TV tünerlərdən (çevirici) istifadə edilməsi tövsiyə edilir.   

Salam. Biz təxminən bir aya yaxın olar ki, kanallara rəqəmsal yayımdan baxırıq. Lakin bunun üçün heç bir yerə müraciət etməmişdik və yeni televizorumuzdan təsədüfən rəqəmsal yayımı tapmışıq.Təbii ki, rəqəmsal yayım keyfiyyətli olduğu üçün bir aya yaxın olar ki, kanallara rəqəmli yayımdan baxırıq. Sualım isə belədir ki: a) heç bir yerə müraciət etmədən rəqəmsal yayımla kanallara baxmaq mümkün olurmu? Bu zaman mən rəqəmli yayımdan istifadəyə görə xidmət haqqı ödəməliyəmmi?

Bildiririk ki, rəqəmli televiziya yayımında Milli Televiziya və Radio Şurası tərəfindən televiziya yayımı üçün xüsusi razılıq (lisenziya) verilmiş yerli televiziya yayımçılarının proqramlarını  izləyə bilərsiniz. Xarici televiziya yayımçılarının proqramlarını isə peyk, internet, kabel şəbəkəsi yayımı vasitəsilə izləmək hüququna maliksiniz.

Salam.Biz radio verlislerinde edilen reklamlara inanib aliriq ve yaxud hansisa esya veya derman.O demek deyil ki,sponsurluq edir deye pul aldiqiniz ucun diffekt mallari terifleyib vetendasa sirimaq olar. Birede canli yayimda hecvaxt hormetsizlik edib telefonu uze qapatmazlar.hem ayibdi hemde hormetsizlik.Xahis edirem menimle elaqe saxlayin subutla sikayyet edecem hemen radionun cezalanmasi cun tedbir goresiniz

Bildiririk ki, «Televiziya və radio yayımı haqqında» Azərbaycan Respublikası Qanununun 2-ci maddəsinə əsasən Azərbaycan Respublikasında teleradio yayımında yayımçıların yaradıcılıq və redaksiya fəaliyyəti peşə müstəqilliyi əsasında həyata keçirilir. İstehlakçıların hüquqlarının və qanuni maraqlarının dövlət tərəfindən qorunmasını, bu sahədə dövlət siyasətinin həyata keçirilməsinin təmin edilməsini, habelə antiinhisar (rəqabət), reklam, istehlakçıların hüquqlarının müdafiəsi haqqında qanunvericiliyə riayət edilməsi üzərində dövlət nəzarətini İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti həyata keçirdiyindən reklamların məzmununda istehlakçı hüquqlarının pozulması halları baradə aidiyyatı üzrə, İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə müraciət etməyiniz tövsiyə olunur. “Reklam haqqında” 15 may 2015-ci il tarixli Azərbaycan Respublikası Qanununun 34.2-ci maddəsinə uyğun olaraq  Azərbaycan Respublikasında reklam fəaliyyətinə dövlət nəzarəti İqtisadiyyat Nazirliyi tərəfindən həyata keçirilir. Eyni zamanda bildiririk ki, Milli Televiziya və Radio Şurası İnzibati Xətalar Məcəlləsinin 428.3-cü maddəsinə uyğun olaraq haqsız reklama görə reklam fəaliyyətinin subyektlərinə (reklam sifarişçisinə, istehsalçısına, yayıcısına, agentliyinə) İqtisadiyyat Nazirliyi tərəfindən göstərişlə ayrılmış müddət ərzində qanun pozuntularının aradan qaldırılmamasına, əks reklamın yayılmamasına görə inzibati tənbeh tədbirləri tətbiq etmək səlahiyyətinə malikdir. 

Yuxarı ^