• 4 dekabr 2014-cü il tarixdə Milli Televiziya və Radio Şurasının növbəti iclası keçirilmişdir.

    İclasda Azərbaycan Respublikasında milli televiziya filmlərinin istehsalına maliyyə yardımının göstərilməsi haqqında Azərbaycan Respublikası Prezidentinin 4 aprel 2013-cü il tarixli Sərəncamına əsasən milli telefilmlərin, o cümlədən teleserialların çəkilişinin dəstəklənməsi məqsədilə maliyyə vəsaitinin ayrılması məsələsinə baxılmışdır.

    Milli Televiziya və Radio Şurasının qərarına əsasən milli teleserialların çəkilişinin dəstəklənməsi məqsədilə “Region TV İstehsalat Birliyi” MMC-yə 150 000 (yüz əlli) min manat məbləğində maliyyə yardımı ayrılması barədə qərar qəbul edilmişdir. İclasda həmçinin «Dünya Müstəqil Televiziya Şirkəti”nin peyk yayımı üçün xüsusi razılıq (lisenziya) alınması barədə müraciətinə baxılmışdır. Milli Televiziya və Radio Şurasının qərarına əsasən  “Dünya Müstəqil Televiziya Şirkəti”nə  peyk yayımı üçün 6 il müddətinə xüsusi razılıq (lisenziya) verilmişdir.

Yuxarı ^