• Xəlilov Aslan Xası oğlu

     

    1962-ci ildə Şamaxı rayonunda anadan olmuşdur.

    1982-1985-ci illərdə Bakı Dövlət Universitetinin tarix fakültəsində təhsil almışdır. 1985-1988-ci illərdə M.V. Lomonosov adına Moskva Dövlət Universitetinin tarix fakültəsində təhsilini davam etdirmişdir. Təhsil aldığı illərdə Lenin təqaüdçüsü olmuşdur. 

    1989-cu ildən 2003-cü ilədək Bakı Slavyan Universitetinin tarix kafedrasında əvvəlcə müəllim, baş müəllim, sonra isə dosent vəzifəsində çalışmışdır.

    1996-cı ildə “1917-1920-ci illərdə Zaqafqaziyanın müsəlman əhalisinə qarşı soyqırımı tarixi mənbələrdə” mövzusunda dissertasiya müdafiə edərək tarix üzrə fəlsəfə doktoru elmi adını almışdır. Bu əsər milli tarixşünaslığımızda, 1917-1920-ci illərdə Cənubi Qafqazın müsəlman əhalisinə qarşı erməni dövlət təşkilatları tərəfindən həyata keşirilmiş kütləvi qırğınları soyqırımı kimi qiymətləndirən ilk dissertasiyadır. Həmin dissertasiya əsasında, 2000-ci ildə rus dilində nəşr edilmiş eyniadlı kitab ABŞ Konqresinin kitabxanasında, ABŞ-da yerləşən Holokost Memorial Muzeyində və dünyanın bir sıra aparıcı ölkələrinin kitabxanalarında saxlanılır. 2018-ci ildən tarix üzrə elmlər doktorudur. 2 monoqrafiya və 60-dan yuxarı elmi və elmi-publisistik məqalənin müəllifidir.  

    2003-ci ildə Azərbaycan Respublikası Prezidentinin sərəncamı ilə 2 il müddətinə Milli Televiziya və Radio Şurasının üzvü təyin edilmişdir.

    2005-ci ildə Azərbaycan Respublikası Prezidentinin sərəncamı ilə 6 il müddətinə Milli Televiziya və Radio Şurasının üzvü təyin edilmişdir. 

    2011-ci ildə Azərbaycan Respublikası Prezidentinin sərəncamı ilə yenidən 6 il müddətinə Milli Televiziya və Radio Şurasının üzvü təyin edilmişdir. 

    2017-ci ildə Azərbaycan Respublikası Prezidentinin sərəncamı ilə yenidən 6 il müddətinə Milli Televiziya və Radio Şurasının üzvü təyin edilmişdir. 

    Avropa Konvensiyası üzrə Sərhədsiz Televiziyanın Daimi Komitəsinin 40-cı illik iclasında (aprel 2006, Strasburq) ölkəmizi təmsil etmiş, həmçinin, Kabel Televiziyası Yayımçılarının beynəlxalq konfransında (2008, Tbilisi), ATƏT-in jurnalistlərin təhsili və media azadlığı məsələlərinə həsr olunmuş VI Cənubi Qafqaz media konfransında (2009, Tbilisi), televiziya və radio yayımının tənzimlənməsinə həsr olunmuş digər beynəlxalq və respublika səviyyəli tədbirlərdə ekspert qismində iştirak etmişdir.

    “Azərbaycanda televiziya və radio yayımı” kitabının (I buraxılış) həmmüəllifidir. 

    Rus, ingilis və fransız dillərini bilir.

    Evlidir, iki övladı var.

     

    İş telefonu:  (+99412) 493-53-17

Yuxarı ^